香港學制 VS 英國學制 、科目有甚麼分別？

香港人初到英國，家長往往會好奇甚或有點擔憂，到底兩地初中嘅學科有咩唔同呢？有見及此，BigTree為大家整咗一個table做比較。黑色嘅係香港同英國唔同嘅學科，紅色嘅係一樣嘅。照咁睇，其實兩地嘅科目都唔係太大分別，但由於始終係兩個地方，所以每科嘅要求都好唔同，範疇亦有好大分別。大家最擔心應該係響英國英文科要點處理呢？我響早前分享會都有提及過，主要係睇書時嘅方式同埋點樣mark phrases and synonyms.

最容易大家會明白嘅係外語，響香港，外語係英文同普通話；響英國，外語係法文、西班牙文、德文、意大利文、拉丁文等，學邊一種語言往往要睇該學校提供乜野外語。

至於香港人最關心嘅數學係咪真係容易好多呢？響State School嘅的確係，因為State School 真係純粹教大家basic concept, 學生就要靠自覺先可以做到好好。要注意嘅係，香港嘅題目主要係複雜同陰陰濕濕，令你好容易錯；而英國嘅數學題目，往往比較概念先導同埋直接，如果學生懂得課題，再將之融會貫通，呢一科並冇咩難度。我相信，響香港長大嘅小朋友加埋會比數子女操嘅家長，應付數學應該綽綽有餘。

科學係英國GCSE嘅必修科，所以不能掉以輕心啊！