🌿「2026年6月活動」– 5 月活動回顧・學術・瑜伽 | Big Tree Intellectual & Wellbeing Centre
- skintellectualwb
- 4 days ago
- 3 min read
6 月到喇，學期都差唔多去到尾聲。唔少學生仲忙緊考試，
但平時嘅課堂同生活都照樣繼續，呢段時間通常都會忙啲。
所以今個月，
我哋想先回顧一下 5 月舉行嘅 Year 7–9 溫習技巧及學習資源講座 同 Kahoot! 溫習室，
再同大家分享 6 月嘅恆常學術課堂同瑜伽課程安排。
🏆 5 月活動小結｜講座與 Kahoot! 溫習室
5 月，Big Tree 舉行咗 Year 7–9 溫習技巧及學習資源講座，以及 Kahoot! 溫習室，
兩個活動都圍繞住溫習、考試準備同學習方法，希望用唔同形式幫學生喺考試期間整理方向。
Year 7–9 溫習技巧及學習資源講座 已於 5 月 3 日 順利完成。
今次講座主要為初中學生同家長而設，內容涵蓋溫習方法、學習資源運用，
以及點樣更有效咁整理學習內容。當晚家長反應正面，亦有唔少實際提問，
希望今次分享能夠幫助學生喺溫習同考試準備上，有多一點清晰方向。
而 5 月舉行嘅 Kahoot! 溫習室 亦已順利完成。今次活動主要為 Year 8 同 Year 9 同學而設，
涵蓋 English、Maths 同 Science，透過限時答題形式，將溫習同互動元素結合，
令同學可以喺較輕鬆嘅氣氛下整理課堂重點。
過去幾場活動入面，同學都表現得非常投入。除咗一邊重溫知識內容，亦同時訓練答題反應、理解能力同準確度。對部分學生嚟講，呢種方式亦令溫習變得更有方向，同時多一份參與感。
今次 Year 8 三場挑戰完成後，按總分計算整體排名，前三名分別為：
🥇 Aiden（105,275 分）
🥈 Marcus（81,907 分）
🥉 Tszyu（74,165 分）
而 Year 9 三場挑戰嘅整體排名，前三名分別為：
🥇 Aiden（150,060 分）
🥈 Mona（115,967 分）
🥉 Payton（102,222 分）
恭喜所有參與同學，亦特別恭喜以上得獎同學。無論係講座定 Kahoot! 溫習室，
Big Tree 都希望透過唔同形式，幫助學生更清楚自己嘅學習需要，
亦令溫習變得更有方向同參與感。
📚 2025–26 June Regular Academic Classes
6 月恆常學術課堂將按時間表繼續進行。課程繼續涵蓋 Year 7–13 英文、數學及科學，
讓學生喺考試期同學期尾段繼續跟住課堂安排，整理重點同處理眼前需要準備嘅內容。
對唔少學生嚟講，6 月未必係再加好多新內容嘅時間，反而更多係溫習、整理、應付考試，
同埋將已經學過嘅內容再做得紮實啲。
🧘♀️ Yoga Classes｜6 月瑜伽課堂安排
6 月瑜伽課堂將繼續照常進行。喺日常安排仍然忙碌嘅時候，
課堂就好似一段留俾自己嘅時間，唔需要太多，
只要有一小段時間停一停、郁一郁、呼吸一下，已經好夠。
Yoga Class – Regular Sessions（實體）
逢星期二：10:15–11:15am@ Watford Palace Theatre（適合初學者）
逢星期六：10:00–11:00am@ Luther Blissett House（適合初學至中級）
課堂以溫和流動、呼吸覺察同身體連結為主，適合希望保持恆常練習，
或者想喺一星期入面為自己留一段安靜時間嘅學員。
💻 Online Yoga Class
Online Yoga 課堂亦會繼續於逢星期四進行，方便偏好在家練習、或未能到場嘅朋友參與。
無論係初學者，定係想用一個較輕鬆方式繼續練習嘅學員，都可以按自己節奏參加。
另外，Big Tree 瑜伽課堂而家已全面開放網上報名，
大家可以直接喺網站完成整個報名及付款流程 🧘♀️
👉 報名流程（已更新）：
1️⃣ 到網站揀選合適課堂
2️⃣ 填寫簡單資料
3️⃣ 即時喺網上完成付款
4️⃣ 完成後會收到確認
✔ 毋須再等 WhatsApp 確認先付款
✔ 一次過完成報名及付款，流程更快捷清晰
🌱 6 月，做好眼前嘅事
6 月好多時都過得特別快。課堂、考試、日常安排一齊行，有時未必有太多空間停低諗太遠。咁就先做好眼前每一步，將今個學期好好完成。 🤍
📸 Instagram: @bigtree_centre
📱 加入我哋嘅 WhatsApp 群組：
💬 Big Tree WhatsApp Group – Big Tree Intellectual 學術活動
🌿 Big Tree WhatsApp Group：Big Tree Wellbeing 身心靈活動
Comments