Just add Magic - 放啲英文魔法比青少年

如果，你有一個處於青春期、反叛期、又或是年齡10至16嘅女響屋企⋯⋯

如果，你個女嘅英文聽講能力不如理想⋯⋯

如果，你覺得阿女開始唔關心屋企⋯⋯

如果，你阿女鍾意啲科幻嘢⋯⋯

如果，你阿女鍾意煮嘢食⋯⋯

如果，你係Amazon Prime member⋯⋯

請你開呢一套連續劇《Just Add Magic》比阿女睇。

《Just Add Magic》係一套由Amazon Studios出品嘅兒童/家庭劇集，故事圍繞住三位Year 7青少年「魔法師」，佢哋發現咗一本神秘嘅魔法食譜，可以喺廚房中使用，而每道菜式都有特殊嘅魔法效果。嗰啲魔法可以喺幫助人、解決困難同埋應對挑戰方面發揮作用。

呢套劇集除咗 魔法元素，亦着重友情同團隊合作精神，故事強調主角之間嘅友情同埋齊心合力嘅重要性。觀眾可以從中學到如何與朋友合作，應對困難同挑戰。

講到應對困難，當然亦可從中裝備到阿女解決問題嘅能力。劇集中主角透過運用魔法解決各種問題，令觀眾明白到面對挑戰時可以尋找創新嘅方法同埋從困境中找到出路。

另外，呢套劇集亦載有濃厚家庭價值觀，劇集中嘅角色强調對於家庭嘅關愛同重要性，令觀眾會思考家庭對於自己嘅意義同影響。

最後，由於角色為Year 7 嘅學生，不同season亦會顯示着她們的成長，而角色喺劇集中嘅成長同改變，呈現咗這些青少年面對各種情感同成長課題，令觀眾可以在娛樂中尋找共鳴。

總括而言，睇《Just Add Magic》有機會帶比青少年嘅女孩子不同發展嘅心理需要同反思空間，我同家中阿女都有睇，佢仲睇到津津樂道添！

如果你哋都有睇，不妨留個言話我知家中愛女喜唔喜歡？