GCSE 中文考定唔考好？

skintellectualwb
Jul 9, 2024
3 min read

每年去到6-7月就嚟完Year，筆者開始聽到唔同Year嘅家長問：「我應唔應該比小朋友出年考中文？」又或是：「考中文幫到我仔女有用嗎？」咁到底GCSE考中文，定唔考中文好？

答案係Yes and No。因為每個家庭同學生都有唔同考量，宜家我嘗試響不同方面為大家分析一下。

適逢Youtuber Cedric社職仔出咗條片～咁我就同大家再講一講中文GCSE啦

https://youtu.be/tXHBi2dPIag?si=sPAMjVWRu7iK6XJp

其實考GCSE中文並不是很困難，程度也很低，最重要的是同學懂得怎樣考試，如果仔女是從香港來到英國，應該很容易便取得第9級別（Grade9）。考完後多一科9又是否實質有用呢？大部分香港嘅學童都不需要靠這個科目升上Sixth Form，因為Sixth Form只需要4至5科合格，即第4或5級別就足以應付要求。以Watford為例，如果競爭大嘅學校如Grammar School，6科6-7分或以上已經好穩打隱紥。

不過咁，都要先認識一下GCSE中文卷先可以決定去唔去考。

先講吓份GCSE中文卷，其實中文卷同其他科一樣有分Higher Tier同Foundation，為咗唔好侮辱大家嘅智慧，我以下Show嘅考卷內容都係Higher Tier。

GCSE嘅中文一共有4份Paper要考：

Paper I： Listening

PaperII：Speaking

PaperIII：Reading

PaperIV：Writing

首先有Paper I：Listening

香港嘅聆聽卷就係廣東話或普通話對話或話語內容，問題係中文句子作答。以下係Higher Tier 聆聽話語內容。

以下為聆聽答題部分。我哋可以睇到，雖然聆聽部分為廣東話或普通話，但響答題部分依然以英文為語言作答。我相信香港人如果有小五至小六程度，應該唔會有問題。平時我哋都已經聽廣東話，於理解語音段落方面唔會有問題，而題目上面顯示嘅英文都係比較簡單嘅字，只要理解到話語內容就會識得填充。

PaperII：Speaking

香港人當然就多數用返廣東話考試，大家一齊睇睇題目啦！

困難唔困難，就見仁見智啦。如果仔女有講開廣東話，呢部分應該唔係問題。最有挑戰性嘅部份應該係看圖描述吧～家長可以幫幫仔女去預備。

PaperIII：Reading

一份卷做1小時5分鐘，有約10條大題目、9個小段落、一篇翻譯。中文文章用英文作答。

題目會越問越深，如果仔女有Keep住睇中文書或文字，Reading 係相對好簡單嘅試卷。最具挑戰性應該係最後一條，亦即PartB 翻譯題。得閒拎吓香港圖書館D小一小二文章嚟翻譯吓，都可以練到一身好武功！

Paper IV：Writing

考試一共有3條題目，頭兩條係二選一嘅題目，第三條係必答題。正常作文，基本上標點符號用啱，句子結構正常小五小六程度，冇錯別字，就水到渠成。

至於有家長問我可唔可以早一年，即Year10考，答案係可以嘅。GCSE可以合併成績，無論是在Year 10考了GCSE中文，抑或是Year 12重考，成績亦會計算在內。若然是邊緣個案，同學爭幾分去升Sixth Form，便要靠考GCSE中文科取得分數，因為對升上Sixth Form，是會有些少作用。但對於實質上能否幫助A Level，就不會很有用。

講到底，考GCSE中文既沒有壞處，也並非必須。若然子女考GCSE中文的話，用普通話和廣東話應考是沒有分別，證書上都是註明GCSE Chinese，學生亦可選擇用繁體或簡體字作答題目，不過口試部分就要小心，普通話大多是用書面語，說話比較正統；廣東話有時候在說話上太過隨意，會有中英夾雜情況出現，而且同學用字不太精準，因此家長及學生必須搜尋考試局的參考指引，留意是否會有些指定的考試用字及詞彙，最好在試前做足準備功夫，勤做口試練習，這樣會比較穩妥。

而當中有些年輕人會考慮回港升讀大學，由於香港的大學基本入學要求必須要有兩種語言，若然同學考GCSE只有英文，沒有修讀其他外語的話，就需要考中文以滿足入學的條件（或者你可以考西班牙文/法文/拉丁文等）。

寫到呢度，希望可幫助大家了解考GCSE中文係一回咩事，好讓大家幫仔女未雨綢繆。

＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋

今個2024暑假，BIG TREE Intellectual & Wellbeing有新搞作～