英國青年就業與教育改革：只改課程，夠唔夠？
- skintellectualwb
- Nov 7, 2025
- 3 min read
呢排有好多英國教育政策調整嘅新聞出現，我又多返啲時間，好想同大家Share吓睇法。
作為一間長期關注學生升學與未來發展的教育中心，我哋經常見到咁嘅情況：有啲學生勤力有潛質，但喺學校體制入面迷失方向；有啲人成績唔差，但離開校門後就唔知下一步應該點走。教育唔應該只停留喺考試成績，而係要幫年輕人搵到屬於自己嘅路。
最近英國政府推出新方案，聲稱要令更多年輕人能夠參與教育（Education）、就業（Employment）或培訓（Training），簡稱EET。聽起來好似正面又有希望——但就業專家指出，政策仍然存在不少盲點。要真正幫到學生，唔可以只改課程，而係要改系統。
政府的藍圖：從課程改革開始
這次改革的焦點是課程。政府打算透過更新教育內容、推動更多高級別學習（如T-Levels、技術資格及學徒計劃），希望讓學生有更多升學與就業選擇。同時，亦希望教育與職場之間嘅距離可以縮短，令年輕人更容易銜接現實工作。
方向正確，但不少專家認為，單靠課程改革，仍然遠遠唔夠。小編都係咁認為。
專家批評：忽略了最需要幫助的年輕人
受訪的就業專家指出，現時政策中仍有四大漏洞：
弱勢青年被忽略政策主要集中喺制度層面，但對家庭貧困、學業落後、心理健康有困難或有特殊學習需要（SEND）的學生，支援依然不足。聽得太多家長同我反映......
系統性問題未解決青年脫離教育唔一定因為「懶」（笑～），而係面對多重障礙—心理健康支援缺乏、地區經濟差、缺乏實際機會。
資金與資源投入不足如果冇足夠投資喺輔導服務、職業教育、地區培訓中心，政策好難真正落地。
忽略工作質素與晉升空間即使年輕人有工返，但當中好多工作都係短期、低薪、冇發展空間。政策應該關心留得低，唔只係搵到工。
為何問題嚴重？
根據最新數據，英國現時約有近100萬名16至24歲青年屬於NEET（Not in Education, Employment or Training）。呢個數字代表唔少年輕人長期與教育、職場脫節。
對個人而言，呢會造成收入下降、自信心喪失、心理壓力上升；對社會而言，就係勞動力短缺、創新能力下降、貧富差距擴大。
政策應該更全面
要真正幫到青年人，改革必須包含更深入同具體嘅措施：
提早識別高風險學生：喺中學階段就開始提供個別支援。
追蹤學生進展：唔只睇「有冇入學」，仲要睇「有冇堅持到」。
確保工作質素：培養可持續、可發展嘅就業機會。
教育與地區經濟連結：讓學生學到的技能真正能夠應用。
跨部門合作：教育、就業、心理健康及社區服務共同協作。
教育改革唔應該只交畀政府。我哋作為前線教育工作者，其實有好多事可以做我亦都唔同程度咁做緊：
提早介入：觀察學生學習動機、心理狀態，提早提供支援；
連結現實世界：課堂唔止講理論，要講行業、技能、未來；
建立升學＋職涯橋樑：幫學生了解T-Level、學徒制、大專課程等路線，呢個亦係我哋呢幾年嘅發展方向之一；
協助家長理解多元出路：鼓勵唔同天賦學生走唔同路。好明顯～我哋BIGTREE努力中！
教育，應該帶路
英國的教育改革方向值得肯定，但要令每個年輕人都「有門走」，只改課程唔夠。真正有效的教育，應該係一個能夠連接學校、社區同未來嘅系統。
對我哋教育工作者而言，最重要嘅問題唔再係學生考第幾，而係⋯⋯ 佢哋準備好面對未來未？
延伸閱讀：
Comments