學位唔再等於黃金門票？讀唔讀大學好？

Source：Media from Wix.

呢一兩年間，我見過唔少學生同家長投入大量心力、時間與資源去追求「名牌大學學位」，相信進大學後就能獲得穩定、高薪、光明未來，甚或是鋪路去其他地方工作。最近，一份來自 Bloomberg 嘅報道提醒我哋：這條路線雖然仍然有價值，但「保證之路」正在收窄。對於學生、家長、導師而言，係時候一齊反思：讀唔讀大學？讀邊一種課程？讀完之後想做咩？

尋晚做嘢做到11點左右，打咗電話同位學生家長傾咗半小時。我哋講開小朋友要選科，但小朋友卻唔知道選擇咩科目，而且響英國嘅老師大愛包容同埋朋輩影響下，小朋友漸漸喪失追求上進而發奮的學習態度，更唔會去思考將來嘅方向。睇住一個本身理想係做醫生嘅小朋友，嚟到後不安同存疑，及至失去方向，我都感到無奈⋯⋯

又另一個學生在上堂時跟我說，父母想佢在Sixth Form 讀一些自己不太想讀的科目，而那些科目是父母身邊朋友無一不勸說他讀的。既苦惱又大壓力，睇見一個個學生開始被逼於父母期望中成長、找出路，明面上是父母都為他們着想，實際上內心卻啞子食黃蓮，有苦自己知。

適逢Bloomberg有報道探討呢條求學之路的未來價值，正好讓大家都進一步思考，呢個全球學位都貶值，經濟卻不斷膨脹嘅情況下，點樣鋪路點樣選擇先最可以幫到子女。

學位的「黃金價值」在下降

Bloomberg 報道指出，長期以來英國社會嘅默契係：努力讀書 → 上大學 → 高薪職業，但如今這種路線圖正遭受挑戰。具體而言：

• 畢業生投入大學學習、貸款與時間成本不斷增加，但五年後起薪與以往相比提升有限。

• 學位帶來嘅加薪優勢（degree premium）正在削弱。

• 在就業市場競爭激烈、技能要求不斷提升、起薪與最低工資差距縮窄的背景下，單靠學位唔一定能確保良好回報。

  
  

為何會出現呢個現象？

根據現有分析，我哋可以從以下幾方面理解：

1. 學位過度普及／學歷膨脹（credential inflation）：

   當更多人擁有學位，學位由原先嘅稀缺資源變成常態，價值被稀釋。

   
   

2. 起薪與最低工資差距縮小：

   有畢業生起薪近乎已接近或只稍高於最低工資水平，削弱了繼續讀大學的經濟誘因。

   
   

3. 專業／科目差別大：

   並非所有學位都帶來相同回報。理工、經濟、商科等或許較有優勢，文科、社會科學、藝術學科的「高薪保證」亦日益模糊。

   
   

4. 就業市場變化快、技能需求轉變：AI、自動化、全球化帶來職場變動，傳統「學生 → 辦公室起薪」路徑不再那麼穩定。

   
   

對家長的提醒：

既然「上大學＋學位＝高薪工作」唔再係鐵定公式，我哋應該如何協助學生更好掌握未來？

• 強調科目選擇與職涯規劃：

  幫學生了解不同學科嘅市場回報、變化趨勢、進入門檻。

  
  

• 補強技能而唔只靠學位：

  包括數碼技能、溝通能力、問題解決、創新思維、實習經驗、企業鏈接。

  
  

• 提醒成本與收益的平衡：

  讓學生清楚了解大學學費、時間成本、畢業後負債與起薪預期之間的關係。

  
  

• 探索其他路徑並重視多元選擇：

  例如高級技工學校、學徒制、職業教育、短期技能課程，視乎學生志向與能力。

  
  

• 提升就業連結與持續發展：

  不僅「畢業就業」，更要「畢業後可持續發展」—這包括晉升機會、轉行靈活性、持續學習能力。

  
  

作為識得與時並進嘅香港人，唔好再假設「大學學位＝保證高薪」（其實我個年代嘅大學生已經唔係一個Guarantee）。對學生而言，讀大學可以係一條非常有價值的路，但成功與否更取決於：你學咩、你點學、你學完後做咩。

作為教育者，我哋嘅角色變得更加重要：唔只教知識，更要幫學生構建未來、理解風險、揀對路。我相信每一個人都有自己嘅天賦，自己對世界嘅貢獻，搵佢出嚟，一齊用呢啲技能創建更好嘅未來。

就此擱筆。

#bigtreecentre

#bigtreeiwb

#大學