🌿「2026年1月活動」– 學術・恆常課堂・瑜伽 | Big Tree Intellectual & Wellbeing Centre
- skintellectualwb
- 7 days ago
- 3 min read
踏入 2026 年，新一年正式開始啦✨
回顧剛過去嘅 12 月，Big Tree 嘅聖誕市集同Year 8–9 選科講座都已經圓滿完成，
無論係市集當日嘅交流，定係講座入面家長嘅分享，都為我哋留下咗好多溫暖而珍貴嘅時刻。
隨住節日假期告一段落，相信大家都慢慢回到日常節奏，
一月亦係一個重新出發、重新建立習慣嘅好時候。
Big Tree 於一月將恢復恆常學術課堂及瑜伽班，
繼續陪伴學生同家長喺新一年穩步前行。
🎄 回顧｜12 月聖誕市集 × Year 8–9 選科講座圓滿完成
上個月20號舉行嘅 Watford 聖誕市集 已經順利完成～
當日吸引咗接近千人到場參與。由籌備、宣傳到場地安排，
加上當日天氣同現場人流，整個市集都進行得好順利，檔主嘅反應亦都好正面。
市集當日場內聚集咗唔少家庭一齊嚟行市集，
亦有參與青少年企業家計劃嘅年輕人親身擺檔，將課堂所學實踐出嚟。
好多檔主同參加者都分享，能夠喺一個咁輕鬆同有支持感嘅環境下交流同經營，
係一個非常難得嘅體驗。
多謝每一位到場支持嘅朋友、檔主同義工，因為你哋嘅參與，
令呢個市集由籌備到完成都成為一段美好而難忘嘅回憶。
無論係青少年企業家嘅市集體驗，定係當日一家大細一齊行市集嘅溫馨畫面，
對 Big Tree 嚟講都係非常珍貴嘅回憶。
再次感謝大家嘅支持，亦期待未來有更多機會同大家喺社區中相遇。
同時，Year 8–9 選科講座亦已順利完成。
好高興當晚見到唔少家長用心聆聽，亦收到好多正面回饋，
希望講座內容能夠為大家喺選科時減少一份擔心，多一份方向。
選科對小朋友嚟講係一個重要階段，我哋亦祝各位小朋友選科順利，
喺之後嘅學習路上走得安心又踏實🥰
未來 Big Tree 亦會繼續安排相關升學分享，
同家長一齊陪伴小朋友走過每一個重要學習階段。
📚 2025–26 January Regular Class
新一年一月，Big Tree 恆常學術課堂將全面恢復。
課程繼續涵蓋 Year 7–13 英文、數學及科學，
讓學生喺假期後回到有結構、有節奏嘅學習狀態。
恆常課堂著重長期學習規劃，協助學生穩固學科基礎，
逐步建立自信同學習能力，適合希望維持穩定學習進度嘅學生。
以下為 2025–26 學年一月份恆常學術課堂時間表 👇
如對課堂內容、年級安排或報名方式有任何疑問，歡迎隨時與我們聯絡。
🧘♀️ Find Your Balance — Yoga with Felix | 1 月瑜伽課程
踏入新一年，身體同生活節奏都需要少少時間重新適應。
一月嘅瑜伽課堂，正正就係一個俾自己慢下來、重新連結身體同呼吸嘅好開始。
Felix 嘅「Find Your Balance」瑜伽課程以溫和而有流動感嘅練習為主，
透過呼吸、伸展同身體覺察，幫助放鬆繃緊嘅肌肉，同時建立穩定感同專注力。
課堂會喺平日同週末不定期進行，方便大家按自己嘅生活節奏選擇合適嘅練習時段。
無論你係平日忙於工作、想抽時間放鬆一下，定係想喺週末好好照顧身體；
又或者你係初次接觸瑜伽、家長想為自己預留一段 Me Time，
甚至係長時間坐辦公室嘅上班族，都歡迎你按自身狀態參與，
讓瑜伽成為日常生活中支持身心平衡嘅一部分。
導師: Certified Yoga Instructor - Felix Chan
課程時間：
逢星期二: 10:15am @ Watford Palace Theatre (適合初學者)
逢星期四: 10:30am @ Online Zoom (適合初學者) 🖥️ 喺屋企都可以輕鬆做 Yoga！
逢星期六: 10am @ Luther Blissett House (適合初學至中級)
💻 Online Yoga Class｜1 -2月試堂
過完聖誕假期，節日期間聚會同用餐都多咗，生活節奏自然同平日有少少唔同。
嚟緊Big Tree 一至二月會安排兩節Online Yoga 試堂，
俾大家喺屋企用一個輕鬆嘅方式，慢慢回到日常節奏。
試堂詳情將於稍後公佈。
想報名或者查詢：
🌱 一齊迎接新一年
2026 年，Big Tree 會繼續陪伴大家，
喺學習、成長同身心平衡嘅路上，一步一步慢慢行。
期待喺一月嘅課堂中再見到你🤍
📸 Instagram: @bigtree_sandra
📱 加入我哋嘅 WhatsApp 群組：
💬 Big Tree WhatsApp Group – Big Tree Intellectual 學術活動
🌿 Big Tree WhatsApp Group：Big Tree Wellbeing 身心靈活動
Comments